كيف تصفى زهنك بطرق مش مدروسه دى مجرد فضفضه |COCKTAIL.SAS

صفى زهنك

كيف تصفى زهنك؟
بص يا سيدى هات ورقة وقلم وخلى الترابيزه او المكان اللى هتكتب فيه فاضى خالص من اي حاجه غير الورقه والقلم وخد نفس عميق وابتسم ( لا مش هتتجنن) بس اعمل كدا وغمض عينك 10 ثوانى واسترجع فى ذاكرتك اي حاجه بتحبها او اى حاجه كنت بتعملها زمان وتخليك مبسوط .
ابتدى اكتب انت عاوز تعمل ايه حتى ولو كانت حاجه ساذجة مش مهم المهم انك تخرج كل افكارك البسيطة وابتدى رتبها حسب اهميتها لمسؤليات حياتك ومتروحش تستسهل وتشوف فيديوهات عن كيف تغيير حياتك فى خمس خطوات والجو دا او ازاى تعمل خطة لحياتك ولا انا كمان هقولك تعمل ايه دى مجرد فضفضه ممكن حد يجربها لان ببساطه محدش بيعيش عيشة غيره كل واحد وليه وجهة نظره واولوياته وطريقة تفكير مختلفه فمن رآي مفيش قاعردة ثابته ينفع تمشى على كل الناس وإلا كان كل واحد شاف فيديو وانا منهم قدر يكمل الخطوات المذكورة فى الفيديو
الحياه ابسط من كدا متعقدهاش انت بنفسك حاول تدور وتقرا بلا نستسهل المعلومات لازم نتعب فيها علشان فعلا نقدر نهتم بيها .
واكيد من خلال بحثك وتدويرك هتخبط فى حاجه بتحبها وبردو بلاش تستسهل وتشوف حاجات عن ( ازاى تعرف شغفك) ببساطه لانه شغفك انت مش شغف حد تانى .
ابتدى اكتب الصفات الوحشه اللى فيك والصفات الكويسه ... طيب ازااااى .....!!!
بص على نفسك من بعيد واكنك مش انت وشوف الشخص دا اللى هو انت اصلا بس من بعيد ايه الحاجات اللى شايفها كويسه فيه والحاجات اللى عاوزه تتغير فى شخصيته او طريقة تفكيره
ولازم تحط فى بالك ان التغيير دا حاجه مش سهله ولا معادله رياضيه هتمشى على خطواتها علشان توصل لنتيجة معينه هقولك تانى ببساطه محدش بيعيش حياة غيره انت اكتر حد ادرى بنفسك وتعرف اسرار وخبايا نفسك
وابتدى متكسلش ياماااا كسلنا واجلنا حاجات كتير فى حياتنا واكيد ندمنا على دا فابتدى حالا وفرصه دلوقتى ان مفيش حاجات تشغلك كتير ولا خروجات ولا مقابلات ولا قهوه....
وبلاش تستعجل فى اي خطوه او تستعجل فى نتايجها اصبر وكل حاجه طبيعى بتاخد وقتها وفعلا اى حاجه بتيجي فى الوقت المناسب ليها مش الوقت المناسب ليك اللى انت عاوزه يحصل حالا .
انا ليه بقول ان دى فضفضه مش مدروسه لان انا وانا بكتب ال اى كلام دا كانت فضفضه وحالة زهق وفكرت ازاى احاول اتغير او اكتشف نفسى
فاكيد كل واحد فينا جواه مواهب او مهارات ولو كانت بسيطه بالتدريب عليها هتكبر وتبقى اهم من مجرد موهبه مدفونه صدقنى مفيش حاجه بنخسرها ونندم عليها الا الوقت اللى مبيرجعش.....
واتمنى كل واحد يكتب فى التعليقات اى فكره تجيله نتشاركها كلنا